Britania, me numrin më të lartë të të papunëve që nga viti 1996

Numri i të vdekurve si pasojë e koronavirusit të ri në Mbretërinë e Bashkuar ka arritur në 35,341, një rritje prej 545 viktimave në 24 orët e fundit, ka thënë Ministri për Shëndetësi, George Eustice.

Numri i personave që kanë pretenduar se kanë mbetur pa punë dhe kanë kërkuar përfitime nga shteti ka arritur në nivelin më të lartë në 24 vjetët e fundit, teksa pandemia me këtë virus pritet të dëmtojë edhe më shumë bizneset në muajt vijues.

Numri i të papunëve është rritur për 856,500 – njëherësh rritja më e madhe brenda një muaji – në 2.1 milionë, apo një rritje prej 69 për qind në krahasim me të dhënat e muajit mars.

Kjo shifër është krahasuar me ato të papunësisë më 1996, kur ekonomia e Britanisë ka qenë duke dalë nga kriza e një recesioni të thellë, të shkaktuar nga dështimi për të qëndruar në Mekanizmin Evropian për Shkëmbim të Ratave.