Aplikimin për hyrje në Kroaci mund ta bëni edhe online

Kroacia do të hapë kufijtë e saj në fund të muajt maj për udhëtarët nga Austria, Sllovakia, Republika Çeke dhe Hungaria.

Në një konferencë për shtyp, ministri kroat i Turizmit, Gari Cappelli, njoftoi se kufiri do të jetë i hapur në fund të majit për vizitorët nga vendet e zgjedhura. Përveç Austrisë, kjo përfshin gjithashtu Sllovakinë, Republikën Çeke dhe Hungarinë, raporton heute.at, përcjell Albinfo Austria.

Një sistem në internet është planifikuar të hyjë në fuqi të enjten e ardhshme në mënyrë që të bëjë më shpejt kalimin e kufirit. “Mysafirët nuk do të duhet të presin në kufi, por do të jenë në gjendje të kalojnë kufirin brenda disa sekondave, duke mbushur paraprakisht një aplikim në internet”, njoftoi Capelli.

Sipas agjencisë kroate të lajmeve Hina, ministri ka thënë se forma përkatëse do të jetë në dispozicion në faqen e internetit për të marrë lejen e udhëtimit. Për Gjermaninë dhe Poloninë e drejta për të udhëtuar në Kroaci duhet edhe dy javë pritjeje, më së largu derim më 15 qershor.

Sipas ministrit të Brendshëm, Davor Bozinovic, autoritetet shëndetësore kroate monitorojnë hyrjen e turistëve, edhe nëse kufijtë janë të hapur, në mënyrë që “të jenë në gjendje të reagojnë në  çfarëdo rasti të mundshëm”, tha Bozinovic. Bëhet fjalë për mbrojtjen e qytetarëve dhe të mysafirëve.

---