Ambasada e Kosovës në Austri jua uron festën e Fitër Bajramit!

Për nder të festës së Fitër Bajramit, Ambasada e Kosovës në Austri uron të gjithë besimtarët myslimanë të komunitetit tonë që jetojnë në Austri. Po ashtu njofton se ditën e hënë do të jetë ditë pushimi dhe nuk do të zhvillohen punët me palë.

Ambasada e Republikës së Kosovës në Vjenë për festën e Fitër Bajramit ka shprehur urimet më të mira për të gjithë besimtarët myslimanë, në veçanti komunitetin shqiptar në Austri.

“Ambasada e Republikës së Kosovës në Vjenë u uron të gjithë besimtarëve myslimanë dhe në veçanti komunitetit tonë në Austri festën e Fitër Bajramit!”, thuhet në urimin e Ambasadës së Kosovës, të cilin e përcjell Albinfo Austria.

Po ashtu Ambasada e Kosovës ka njoftuar se me rastin e festës së Bajramit, ditën e hënë, pra më 25 maj 2020, nuk do të zhvillohet puna me palë.

“Ambasada e Republikës së Kosovës në Austri njofton të interesuarit se me rastin e Festës së Fitër Bajramit puna me palë në Ambasadë dhe në shërbimin konsullor nuk do të zhvillohet të hënën, më 25 maj 2020”, bëhet e ditur në një njoftim paraprak të Ambasadës.

Për raste emergjente kontaktoni numrin emergjent: +43 664 2233 409.

---