Edhe pas 8 qershorit do të ketë kontrolle në kufijtë e Zvicrës

Ndërkaq situata do të ndryshojë nga 15 qershori, përcjell albinfo.ch. Nga kjo datë nuk do të ketë më kontroll të brendshëm të kufijve

Mario Gattiker, shef i Sekretariatit të Shtetit për Migracionin (SEM), ka folur në konferencën për shtyp që ka filluar në orën 14 në Bernë dhe ende po vazhdon. Ai ka shpjeguar situatën rreth procedurave të hyrjes dhe daljes në kufijtë shtetërorë të Zvicrës, transmeton albinfo.ch.

Nga 8 qershori, të gjitha aplikimet nga qytetarët e BE / EFTA do të fillojnë të përpunohen përsëri. Po ashtu, specialistë nga vendet e treta gjithashtu mund të vijnë sërish në Zvicër, nëse është e nevojshme.

Por, “edhe pas 8 qershorit do të ketë kontrolle në kufijtë kombëtar,” ka tërhequr vërejtjen Gattiker. Jo shumë gjëra do të ndryshojnë në kufijtë e Zvicrës. Kështu, për shembull “shoping turizmi” do të jetë akoma i ndaluar, pas 8 qershorit.

Ndërkaq situata do të ndryshojë nga 15 qershori, përcjell albinfo.ch. Nga kjo datë nuk do të ketë më kontroll të brendshëm të kufijve. Turizmi përmes Gjermanisë, Francës dhe Austrisë gjithashtu do të jetë i mundur përsëri, edhe në vende më të largëta.

---