Mësohet kur do të nisin fluturimet Kosovë-Turqi

Kështu ka bërë të ditur Ambasada e Kosovës në Turqi

Nga data 1 korrik pritet të nisin fluturimet e rregullta nga Kosova drejt Turqisë.

Kështu ka bërë të ditur Ambasada e Kosovës në Turqi, e cila ka njoftuar se duke filluar nga 11 qershori 2020 Turqia ka hequr kufizimet për hyrje-dalje në Turqi në të gjitha pikat kufitare (ajrore, detare dhe tokësore, përveç atyre me Iranin), me kusht që shtetasit e huaj t’u përmbahen rregullave të përcaktuara.

Sipas njoftimit nga Ministria e Jashtme e Turqisë, çdo person, shtetas turk ose i huaj, në momentin e hyrjes në Turqi do t’i nënshtrohet kontrollit shëndetësor.

Nëse me atë rast paraqiten simptoma, atëherë do të kryhet testi PCR/COVID-19 pa pagesë.

“Ndërkohë, pritet që nga 1 korriku 2020 linjat ajrore në mes të Kosovës dhe Turqisë të fillojnë të qarkullojnë me orar të rregullt”, thuhet në njoftimin e Ambasadës, raportojnë mediat kosovare, përcjell albinfo.ch.

---