Klubi i Baselit njofton për lëndimin e Zhegrovës

Klubi i Baselit ka konfirmuar se Edon Zhegrova ka pësuar një lëndim në ligamente dhe nuk dihet se kur do të rikthehet

Edon Zhegrova nuk është paraqitur fare në ndeshjen çerekfinale të Kupës së Zvicrës mes Lausannes dhe Baselit. Baseli fitoi 3:2 dhe u kualifikua në gjysmëfinale, përcjell albinfo.ch.

Por Zhegrova nuk ishte i ftuar as në 18-shen e parë, derisa tani klubi zviceran ka konfirmuar se lojtari ka pësuar dëmtim në ligamentet e këmbës së majtë dhe do të jetë jashtë fushave për një kohë të pacaktuar.

“Edon Zhegrova pësoi dëmtim të ligamentit në këmbën e majtë në një ndeshje stërvitore javën e kaluar. Pas disa ekzaminimeve, tani është e sigurt që 21-vjeçari do të jetë jashtë fushave deri në njoftimin e mëtutjeshëm dhe për fat të keq, do të humbasë ndeshjet e radhës të FC Basel 1893. FCB i uron Edon Zhegrovës një rikuperim të shpejtë dhe një rikthim në fushën e futbollit sa më shpejt të jetë e mundur”, thuhet në njoftimin e klubit.

---