Austri: Prindër, regjistroni fëmijët në mësimin e gjuhës shqipe

Afati i fundit i lajmërimit të nxënëseve është deri më 3 korrik, raporton Albinfo Austria.

Kryetarja e Shoqatës së Mësuesve Shqiptarë “Naim Frashëri” në Austri, Miradije Berisha, u ka bërë thirrje prindërve shqiptarë në Austri, që të regjistrojnë fëmijët e tyre në mësimin e gjuhës shqipe për vitin shkollor 2020/2021. Në njoftimin e saj në ”Facebook”, ajo ka njoftuar se afati i fundit i lajmërimit të nxënëseve është deri më 3 korrik, raporton Albinfo Austria.

Ky është edhe postimi i plotë:

“Të nderuar prindër,
Ju, që jetoni në Vjenë e keni fëmijë të moshës shkollore, dhe jeni të interesuar për t’i regjistruar ata edhe në mësimin e Gjuhë shqipe për vitin shkollor 2020/21, koha e lajmërimit është deri me 3 Korrik.
Për informata me të detajuara ju lutem të na shkruani privat të M.Berisha dhe O.Ademi apo tek mësuesit e vendeve ku ju jetoni.
Me lajmërimin e nxënësve të ri , paraqitet nevoja për mësues të ri.
Njëherit ju dëshirojmë pushime të mira verore!”

Siç e edhe ka informuar Albinfo Austria, një ndër shqetësimet më të mëdha të komunitetit shqiptar në Austri është numri i vogël i nxënësve shqiptarë që përcjellin mësimin plotësues të gjuhës shqipe. Prandaj, lusim prindërit shqiptarë të dërgojnë fëmijët e tyre në mësimin e gjuhës shqipe.

---