SHBA regjistron gati 50,000 raste me koronavirus brenda një dite

Keystone (AP Photo/Ariel Schalit)

Guvernatorët e shteteve amerikane, të cilat janë goditur më së shumti nga koronavirusi kanë kërkuar të ndalojnë rihapjen e ekonomisë së tyre të mërkurën, duke filluar nga Kalifornia, shteti më i populluar dhe një epiqendër e re e pandemisë.

Rastet e reja të COVID-19 me shifër prej afro 50,000, sipas një raporti të Reuters, shënon shifrën më të madhe ditore që nga fillimi i pandemisë.

“Përhapja e këtij virusi vazhdon me një normë që është shqetësuese”, tha guvernatori i Kalifornisë, Gavin Newsom, një demokrat, duke urdhëruar mbylljen e bareve. Ndryshimi në Kaliforni, i cili ishte shteti i parë që vendosi kufizime gjithëpërfshirëse të “qëndrimit në shtëpi” në mars, ka të ngjarë të shkaktojë më shumë humbje financiare për pronarët e bareve dhe restoranteve që kanë luftuar për të mbijetuar nga pandemia. Epiqendra e epidemisë ka lëvizur tek Kalifornia, Arizona, New Mexico,  së bashku me Teksasin e Floriden.

Texas përsëri kryesoi rekordin e tij të mëparshëm të mërkurën më 8.076 raste të reja, ndërsa Karolina e Jugut raportoi edhe 24 vdekje.

Tenesi dhe Alaska gjithashtu patën një numër rekord të rasteve të reja, shkruan “Reuters”, përcjell albinfo.ch.