8-vjeçari nga Kosova, në ‘radar’ të trajnerëve suedezë

Një vatër e talentëve dhe futbollistëve të shquar, Vushtrria, i ka dhënë Kosovës disa prej emrave më të spikatur që tani luajnë në ligat më elitare evropiane, shkruan VushtrriaOnline, përcjell Albinfo.ch.

Nga dita në ditë talent të rinj gjithandej Evropës po arrijnë të dalin në pah, ashtu sikurse futbollisti me të cilin do të njohftoheni në vijim.

Këtë herë në radarin e trajnerëve suedezë ka rënë edhe 8-vjeçari Enes Mehmeti, i cili po merr vlerësime të larta nga trajnerët e klubit ku ushtron.

Kjo nuk është rastësi, pasi 8-vjeçari është edhe i biri i Fitim Mehmetit, dikur futbollist i klubit KF Kosova që në atë kohë kishte vitet më të arta si klub.

Kurse, tani qysh si 8-vjeçar po befason me talentin e tij shumë trajnerë në Suedi, të cilët sigurojnë se djaloshi me prejardhje nga Vushtrria do të bëhet një futbollist me kualitete të larta.