Xhaka me maskë në stadium

Efektet e pandemisë globale padyshim që janë ndjerë edhe në industrinë e futbollit. Fillimisht me anulimin e ndeshjeve, mbylljen e stadiumeve e tash edhe në rikthimin e stërvitjeve.

Futbollistët tashmë edhe gjatë stërvitjeve duhet të respektojnë protokolet e rekomanduara nga ekspertë shëndetësorë.

Në kuadër të rekomandimeve për bartje të maskave, edhe futbollisti shqiptar me prejardhje nga Kosova, Granit Xhaka është parë në stadium duke u stërvitur me maskë, raporton Albinfo.ch.

Xhaka, i cili është pjesë e përfaqësueses së Zvicrës ndërkohë që bart fanellën e skuadrës angleze Arsenal, ka postuar disa fotografi në rrjetin social Facebook ku ndër të tjera shihet se nuk heziton të bart maskën.