Kosova dhe Serbia nënshkruajnë sot marrëveshje në Shtëpinë e Bardhë, merr pjesë edhe presidenti Trump

Shtëpia e Bardhë, përmes një njoftimi ka bërë të ditur se presidenti Donald Trump do të marrë pjesë në takimin ndërmjet Kosovës dhe Serbisë që do të mbahet në Shtëpinë e Bardhë.

Në njoftim thuhet se presidenti Trump do të marrë pjesë në ceremoninë e nënshkrimit të një marrëveshjeje, në një takim trepalësh.

Njoftimi i Shtëpisë së Bardhë nuk e përcakton se çfarë saktësisht do të nënshkruhet.

Ndryshe, një ditë më parë këshilltari për Siguri i SHBA-së, Robert O’Brien, ka bërë të ditur se takimi ndërmjet palës kosovare dhe asaj serbe do të vazhdojë edhe sot në Uashington.

Ai, duke folur për takimin e së enjtes, ka thënë se ka progres, ku sipas tij, ishte një rund reflektues diskutimesh mes Kosovës dhe Serbisë.