Lajme

Bio bujqësia në Shqipëri, treg i garantuar me mungesë punëtorësh

E hënë, 14 Shtator 2020 - 21:10 albinfo.ch

Jeta e fshatit është pa dyshim e vështirë dhe e mundimshme. Por një punë me përkushtim dhe sakrifica gjithnjë jep frytet e saj. Agim Karamuça ka krijuar fermën e tij në fshatin Babje të Librazhdit. Ndërsa për fermerin, i cili prodhon çdo gjë bio, tregu duket se është i garantuar.

Fermeri punon së bashku me bashkëshorten, ndërsa duket se has vështirësi në sezonin që nevojiten punëtorë, raporton Tch, përcjell Albinfo.ch.

E teksa fëmijët shkollohen në kryeqytet, Agimi dëshiron një jetë më të mirë për ta, por do të donte të mos braktisnin fermën e tyre.

Teksa mundi dhe çdo pikë djerse e derdhur në këto ara ka vlejtur dhe ka dhënë frytet e saj, i vetmi problem, ashtu si në shumë zona të Shqipërisë, mbetet në rrugë. E vetmja ndërhyrje që kërkohet nga shteti.