Koreografja shqiptare, Ermira Goro, në Operën Kombëtare Greke

Koreografja shqiptare në Greqi, Ermira Goro, do të jetë në Operën Kombëtare Greke, në prodhimin e parë për Skenën Alternative, me punën e saj të re, transmeton albinfo.ch.

Në datat 16, 17 dhe 18 tetor ajo do të performojë një diptik të kërcimit modern bashkë me koreografin Ioannis Mandafounis. Një kuartet me muzikantë të njohur nga Orkestra Simfonike Shtetërore e Selanikut do të interpretojë veprat e Giorgos Koumendakis dhe Dimitra Trypani.

Ermira ka studiuar në Shkollën Kombëtare Greke të Vallëzimit. Vazhdon studimet në New York, ku ka bashkëpunuar me kompani ndërkombëtare të vallëzimit dhe krijoi punimet e saj të para koreografike. Nga viti 2007 deri në vitin 2018 ajo ka qenë pjesë e DV8 (Dance Visual 8) Physical Theatre.

https://www.facebook.com/photo.php?fbid=1208341529537523&set=a.259322071106145&type=3&theater