Kryediplomati i Shqipërisë Gent Cakaj takon studentë shqiptarë të Luginës së Preshevës

Ministri në detyrë për Europën dhe Punët e Jashtme, Gent Cakaj, ka zhvilluar sot një takim me studentët e Luginës së Preshevës që studiojnë në Shqipëri.

“Mbështetja e Shqipërisë është e një rëndësie të patjetërsueshme për ngritjen shoqërore dhe rikthimin e shpresës tek shqiptarët e Luginës së Preshevës. Kjo kauzë na detyron të gjithëve”, u shpreh ai.

Cakaj shtoi se bisedoi me studentët edhe për përgatitjet që po bëhen për të filluar me projektin e trajnimit të mësuesve shqiptarë dhe plotësimin me tituj bashkëkohorë e shkencorë të librarive të Luginës së Preshevës.

“Edhe me masa të tjera mbështetëse së shpejti”, u shpreh ai.