Kosova

Gjendja me Covid në Kosovë, Shqipëri dhe Maqedoni

E diel, 8 Nëntor 2020 - 9:00 albinfo.ch

Photo by: Urim Xhemaili - Prishtina

Kosova ka 6634 raste aktive, 744 të vdekur dhe mbi 16 mijë të shëruar, transmeton albinfo.ch.

Instituti Kombëtar i Shëndetësisë Publike të Kosovës të shtunën ka njoftuar se janë shënuar 491 raste pozitive me COVID-19, janë shëruar 62 pacientë, ndërkaq kanë vdekur 12.

Në Shqipëri, prej ditësh, shifrat e të infektuarve me Covid vijojnë të jenë të larta. Gjatë 24 orëve të fundit nga 1 927 testime, janë konfirmuar të infektuar 495 raste të reja dhe kanë humbur jetën 8 persona.

Gjithashtu në 24 orët e fundit betejën me Covid në Shqipëri e kanë fituar 141 qytetarë, duke e çuar numrin e të shëruarve 12 002 që nga fillimi i epidemisë.

Ndërkohë në 3 spitalet COVID në Tiranë po trajtohen 352 pacientë, 9 në terapi intensive, nga të cilët 4 pacientë janë të intubuar.

Ndërkohë, Maqedonia e Veriut po shënon rekord, 1285 të infektuar dhe 14 të vdekur nga COVID-19 në 24 orë.