Dy alpinistë shqiptarë, ngritën flamurin në majen më të lartë të Alpeve Stubai, Austri

Dy alpinistët shqiptarë në majën më të lartë të Sulzkogel në alpet Shtubai të Austrisë

Florian Haçkaj, është shqiptari që mban titullin ‘Ambasador i Kombit’, si një ndër profesionistët shqiptarë e mirëintegruar jashtë vendit. Ai jeton në Zvicër dhe është menaxher komercial në fushën e Kibernetikës, shkruan albinfo.ch.

Përveç anës profesionale, Floriani ka edhe anën tjetër të medaljes që është po aq e rëndësishme për të, ai është i pasionuar pas alpinizmit.

Së fundmi, për nder të festës kombëtare, 28 Nëntorit,  ai, së bashku me mikun e tij, Abdurahim Abdushi u ngjitën në majën më të lartë të Sulzkogel në Alpet Shtubai të Austrisë dhe valvitën flumrin “Kuq e Zi të Shqipërisë.

Nga ana tjetër edhe Abdurahim Abdush është një alpinist i shquar, shqiptar, i cili jeton në Munchen të Gjermanisë dhe  asnjëherë nuk i reklamon arritjet e tij, por që ka një përvoj të gjatë dhe është profesionist në këtë fushë. Duhet theksuar se së fundmi ai ka shqipëruar librin “Aftësitë Bjeshkatare: Shkolla Verore”, bashkë me profesoreshën, Teuta Bicaj. Libri është vepër e krijuar nga Federata Ndërkombëtare e Bjeshkatarisë dhe Alpinizmit (UIAA).

Më poshtë mund të shikoni disa nga fotot në majën më të lartë të Sulzkogel në Alpet Shtubai të Austrisë:

 

---