Tirana, e shkatërruar pas protestës

Protesta e djeshme la të paktën dhjetë policë të lënduar, u dëmtuan ndërtesat e Qeverisë dhe e Ministrisë së Punëve të Brendshme, automjete të policisë, një pjesë e dekorimit të Vitit të Ri u shkatërrua, pemët për festat e fundvitit u dogjën, ky realisht është bilanci nga protesta e mbajtur dje në Tiranë, transmeton albinfo.ch.

Protesta triorëshe filloi para Ministrisë së Punëve të Brendshme, ku u hodhën sende të forta, duke e kërkuar dorëheqjen e ministrit Sandër Leshaj, pastaj vazhdoi përpara Qeverisë, më pas përpara Bashkisë së Tiranës, ndërsa më pas në Sheshin “Skenderbej”. Gjithashtu u hodhën gurë dhe sende të tjera.

Kur protesta u përshkallëzua në dhunë mbi pronën, policia u detyrua të përdorë gaz lotsjellës, pas së cilës protestuesit u shpërndanë.

Protesta u organizua nga qytetarët përmes rrjeteve sociale nën moton “Edhe ne jemi Klodiani”, pas vrasjes së djeshme të 25-vjeçarit Klodian Rasha, në lagjen Laprakë në Tiranë.

Protesta kishte edhe në qytetet të tjera, si në Gjirokastër, Vlorë, Durrës.