Publikohet kënga e re “Dont Let Go” nga Rrezarta

Këngëtarja shqiptare, e cila jeton në Zvicër, sapo ka publikuar këngën e re.

“Dont Let Go”, kështu është titulli i këngës së re nga Rrezarta, e publikuar sot, në ora 16:00. Kjo këngë duket se do të jetë një debutim i suksesshëm i saj në tregun muzikor, qoftë me paraqitjen e saj skenike, ashtu edhe me atë artistike, shkruan albinfo.ch.

Duhet theksuar se kënga eshtë në gjuhën angleze dhe e producuar nga studio “RRecords” nga Rinor Ukimerit. Ndërkohë teksti është punuar nga Ayleen Rogers nga Los Angelos dhe video-klipi është bërë nga “Creative-video-alb” në Tiranë. Vlen të cekët se spoti i kësaj kënge është bërë në Vlorë.

Ndërkohë, vetëm pak muaj më parë, Rezarta ka realizuar këngën “Unë të du ma s’shumti n’botë”

Kujtojmë se Rrezarta bëri shumë “zhurmë” në Gjermani. Madje, u komentua për ngjyrat e saj të zërit kumbues, duke ”pushtuar” skenën e “The Voice Kids Germany”. /Albinfo.ch

---