“Future Nostalgia” transmetohet me miliarda herë, Lipa e mahnitur

(Photo by Matt Sayles/Invision/AP)

2020-a ishte viti i suksesit të Dua Lipës, por duket se dhe 2021-shi ka filluar mbarë për të. Albumi i saj po vazhdon të gëzojë sukses edhe këtë vit, përcjell albinfo.ch.

Lansimi i albumit, performancat e shumta artistike dhe çmimet e njëpasnjëshme nëpër festivale të rëndësishme të muzikës e bën Lipën të jetë vajza më e suksesshme shqiptare në vitin që e kaluam.

Ndërkohë frytet e përkushtimit të saj po vazhdojnë të dalin në pah. Albumi i Lipës “Future Nostalgia” ka arritur të transmetohet 3 miliardë herë, të cilën e ka bërë të ditur vetë artistja nga Kosova.

“Sapo zbuluam se kemi arritur mbi 3 miliardë transmetime në Future Nostalgia më 2020! Faleminderit!!!! Ky album ka ndryshuar jetën time në forma të ndryshme dhe jam shumë e lumtur që ka gjetur një shtëpi me ju!!!!!”