Në Francë bie numri i infeksioneve, rritet ai i vdekjeve

Janë regjistruar 171 vdekje të tjera në një ditë në spitale, duke e çuar numrin në 55,582 vdekje spitalore

Franca ka raportuar sot rënie të numrit të infeksionit për të katërtën ditë me radhë. Ministria e Shëndetësisë ka bërë të ditur se në 24 orët e fundit ishin regjistruar 19,175 raste të reja .

Një ditë më parë ishte 20,586.

Megjitahtë, numri i pacientëve të trajtuar në spital është rritur në 27,694 nga 27,369.

Ndërsa rritje brengosëse është shënuar edhe te numri i pacientëve të sëmurë nga korona, në stacione të kujdesit intensiv. Ai, brenda 24 orëve të fundit është rritur gjithashtu nga 3,225 në 3,272.

Janë regjistruar 171 vdekje të tjera në një ditë në spitale, duke e çuar numrin në 55,582 vdekje spitalore.

Këto shifra nuk marrin parasysh vdekjet e regjistruara në shtëpi pleqsh të cilat nuk azhurnohen çdo ditë.

---