Zvicër: BAG raporton 1131 infeksione të reja dhe 14 të vdekur

Mesatarja 7 ditore është 9 të vdekur në ditë dhe ky numër është për 45 për qind më i ulët se në javën e kaluar

Zyra Federale e Shëndetit Publik (BAG) ka raportuar sot 1131 raste të reja pozitive me koronavirus, të regjistruara gjatë 24 orëve të fundit.

Mesatarja e rasteve në 7 ditët e kaluar është 994 që i bie 12 për qind më pak se në javën e kaluar, shkruan srf.ch. Trendi aktualisht vazhdon të jetë në rënie.

Shkalla mesatare 7 ditore e pozitivitetit është 4.7 për qind.

Krahasuar me javën e kaluar, norma pozitive ka mbetur e njëjtë, transmeton albinfo.ch. Numri i testimeve të bëra në një mesatare 7-ditore është 25,369 teste në ditë dhe kështu është 9 për qind më e ulët se një javë më parë.

BAG raporton 14 raste të reja të vdekjeve. Mesatarja 7 ditore është 9 të vdekur në ditë dhe ky numër është për 45 për qind më i ulët se në javën e kaluar.

Aktualisht BAG raporton 976 persona që janë duke u trajtuar në spitale për Covid-19. Kjo është 7 për qind më pak se në javën e kaluar.

Shtretërit e kujdesit intensiv të certifikuar në spitalet zvicerane aktualisht janë të shfrytëzuar në masën në 77.0 për qind, përcjell albinfo.ch. Ndërsa po u llogaritën edhe shtretërit ad-hoc, shfrytëzimi i tyre është 68.0 për qind.

---