Zvicra mbajti një minutë heshtje për mbi 9.000 viktimat e koronavirusit

Presidenti Parmelin: "Ky akt ka për qëllim përkujtimin e viktimave të pandemisë. "Dhe në të njëjtën kohë është i drejtuar si mirënjohje për të gjithë ata që bënë sakrifica personale për të kapërcyer krizën"

Ashtu siç ishte paralajmëruar, në orën 11:59, Zvicra mbajti një minutë heshtje për viktimat e pandemisë.

Deri më tani, kjo pandemi u ka kushtuar me jetë mbi 9,000 njerëzve në Zvicër.

Veç tyre, “shumë njerëz të sëmurë vuajnë nga efekte afatgjata. Ndërsa mijëra të tjerë kanë humbur vendet e tyre të punës dhe ndonjëherë edhe shpresën”, thuhet në mesazhin e Presidentit Federal, Guy Parmelin, i cili kishte shpallur minutën e heshtjes javën e kaluar, shkruajnë mediat zvicerane.

Ky akt ka për qëllim përkujtimin e viktimave të pandemisë. “Dhe në të njëjtën kohë është i drejtuar si mirënjohje për të gjithë ata që bënë sakrifica personale për të kapërcyer krizën”, ka thënë Presidenti Federal Guy Parmelin, transmeton albinfo.ch. Ai  ka shtuar më tej se dëshiron të ftojë të gjithë banorët e Zvicrës “të bëjnë një moment reflektimi”.

Pas një minutë heshtje, të tri kishat vendore kanë aktivizuar këmbanat, në orën 12 të mesditës.

---