Dobësohet frangu zviceran

Keystone

Frangu zviceran po vazhdon të dobësohet në tregjet e këmbimit valutor.

Ky është një lajm i mirë për eksportuesit zviceranë dhe tregon se investitorët kanë filluar të kenë besim se efektet më të këqija të pandemisë së shpejti do të jenë prapa nesh.

Frangu është në rënie ndaj të gjitha monedhave kryesore, veçanërisht euros dhe dollarit. Tani është në nivele që nuk janë parë që nga vera e vitit 2019, përcjell albinfo.ch.

Arsyeja kryesore është se monedha po humbet tërheqjen e saj si një strehë e sigurt. Paraja e gatshme tani po kalon në investime më të rrezikshme me shpresë se ekonomitë do të fillojnë të rihapen në javët e ardhshme.

Tani 1 frang këmbehet me 1.07 dollarë dhe 0.90 euro.