Hapje ose mbyllje e mëtejme: Qeveria Zvicerane vendos sot!

Vendimi i qeverisë do të kumtohet në orën 15, në konferencën për media që do të mbahet me praninë ministrit të shëndetësisë, Alain Berset

Sot, e premte, 22 mars, Qeveria e Zvicrës do të vendosë për masat e mëtejshme të hapjes.

Gjendja e saj nuk është aspak e lehtë: Ajo ndodhet në mes të një presioni psikologjik dhe ekonomik të lartë për hapje ndërsa, nga ana tjetër, situata epidemiologjike është e pafavorshme për një gjë të tillë, shkruajnë mediat zvicerane sot.

Fjalët e Ministrit të Shëndetësisë Alain Berset të mërkurën ishin larg inkurajimit për hapje. Lidhur me zbutjen e masave, aktualisht gjasat nuk duken të mira, ka thënë ai në Parlament, transmeton albinfo.ch.

Tre nga katër kriteret që Këshilli Federal i ka përcaktuar si udhëzues për masat e mëtejshme të hapjes nuk plotësohen.

Ne nuk duam të hapemi tani dhe pastaj të detyrohemi të mbyllemi përsëri,” ka thënë ai.

Humbja e kontrollit mbi numrin e rasteve është ende e rrezikshme.

Nga katër kriteret që Qevreia ka vendosur për lehtësim të mëtejshëm, dy nuk plotësohen dhe vazhdojnë të përkeqësohen: vlera R më 5 Mars ishte 1.14 dhe incidenca 14 ditore ishte pothuajse 200, tranmseton albinfo.ch.

Shkalla e pozitivitetit ishte pak më poshtë  se vlera e synuar prej pesë përqind në ditët e fundit

Vetëm sa i përket kriterit të zënies së shtretërve të kujdesit intensiv, situata duket e mirë: 250 shtretër ishte kriteri ndërsa aktualisht janë të zënë vetëm 158 sish.

Vendimi i qeverisë do të kumtohet në orën 15, në konferencën për media që do të mbahet me praninë ministrit të shëndetësisë, Alain Berset

Vendimi që do të merret, hyn në fuqi të hënën, më 22 mars

 

---