Firmat e huaja krijojnë vende pune në Zvicër, pavarësisht pandemisë

Foto ilustrim: Alex Kotliarskyi

Zvicra ka mbetur një vend tërheqës për firmat e huaja, duke krijuar më shumë vende pune vitin e kaluar sesa në vitin 2019 – me gjithë efektet ekonomike të pandemisë, ka raportuar televizioni publik zviceran SRF, përcjell albinfo.ch.

Firmat e huaja llogariten për 11% më shumë vende pune në vitin 2020, sipas SRF.

Gjatë tre vjetëve të ardhshme, ato pritet të drejtojnë krijimin e 3,500 vendeve të punës.

“Fuqia punëtore është shumë e kualifikuar, dhe taksimi është i favorshëm dhe Zvicra është në mes të Evropës”, tha Jim Fitzgerald, drejtori i Tiffin Metal në Zvicër.

Kompania, e cila prodhon mjete metalike të personalizuara për një gamë të gjerë të industrive, vendosi të hapë degën e saj të parë jashtë SHBA-së në Schmitten, në kantonin e Fribourg-ut.

Shifrat vijnë në një kohë të shqetësimeve të përgjithshme ekonomike globale të shkaktuara nga pandemia.

Ekonomia e Zvicrës u tkurr me 2.9% vitin e kaluar si rezultat i Covid-19, tkurrja më e keqe vjetore që nga pasojat e krizës së naftës më 1975, përcjell tutje albinfo.ch.