Gërvalla: Maqedonia e Veriut partener strategjik i Kosovës dhe model për rajonin

Ministrja e Punëve të Jashtme dhe Diasporë, Donika Gërvalla, ka mirëpritur homologun e saj nga Maqedonia e Veriut, Bujar Osmani.Ajo ka thënë se bisedat e tyre gjithmonë janë shumë të afërta dhe të ngjeshura meqë ka shumë tema që i bashkojnë, përcjell albinfo.ch.

“Republika e Kosovës dhe ajo e Maqedonisë së Veriut ndajnë interesa të përbashkëta politike dhe ekonomike për stabilitetin, qëndrueshmërinë dhe prosperitetin e rajonit tonë. Fuqizimi i marrëdhënieve dypalëshe dhe fqinjësisë së mirë është përkushtim i yni që për ne s’ka tjetër alternativë.

Ajo gjatë takimit tha se Maqedonia e Veriut është partner strategjik i Kosovës.

“Rreth tri vjet marrëdhënie ndërshtetërore kemi lidhur bashkëpunim në shumë fusha, vizita takime intensive në të gjitha nivelet. Këto përbëjnë atë që mund quhet model i bashkëpunimit rajonal dhe i fqinjësisë së mirë. Ky është demonstrim praktik i fqinjësisë së mirë dhe mund të thuhet se po japim kontributin tonë për të gjithë rajonin drejt afrimit të Ballkanit me BE-në”, u shpreh ajo.