Fituesi i Eurovisionit rezulton negativ në testin për kokainë

Ai dyshohej se në natën finale të Eurovisionit, mori drogë teksa po zhvillohej votimi.

Këngëtari italian i grupit Maneskin, Damiano David, që të shtunëm fitoi Eurovisionin, ka dalë negativ në testin e drogës, ka bërë të ditur BBC-ja të hënën mbrëma.

Ai dyshohej se në natën finale të Eurovisionit, mori drogë teksa po zhvillohej votimi.

David mohoi se mori kokainë pas spekulimeve që nisën pas gjestit të tij, kur afroi fytyrën mbi tavolinë dhe pranoi të testohej.

“Nuk pati konsumim të drogës në Dhomën e Gjelbër dhe ne e konsiderojmë këtë çështje të mbyllur”, thuhet në një deklaratë të Bashkimit Evropian të Transmetuesve (EBU).

 

---