Maqedoni, 100 ditë nga regjistrimi i popullsisë, diaspora ndalon së regjistruari

Albert Hyseni's

Janë bërë 100 ditë që prej kur filloi regjistrimi në Republikën e Maqedonisë së Veriut. Që nga 1 marsi e deri sot, nga diaspora janë regjistruar rreth 190 mijë persona, përcjell albinfo.ch.

Sipas kësaj shifre, i bie që çdo ditë janë regjistruar rreth 1900 persona.

Zv. drejtori i Entit Shtetëror për Statistikë, Ilmi Selami, përshëndet të gjithë aktivistët dhe vullnetarët, të cilët ndihmuan për regjistrimin e bashkatdhetarëve, mirëpo procesi, sipas tij, ende vijon dhe duhet të regjistrohen të gjithë ata që kanë ngelur pa u regjistruar.

“Natyrisht që kjo nuk do të ishte arritur pa ndihmesën e pashoq të vullnetarëve/bashkatdhetarëve tanë që i dhanë zemër këtij procesi. Andaj FALEMINDERIM TË MADH për ta dhe njëherësh edhe lutje që të vazhdojnë me kontributin e tyre deri në fund që t’a kryejmë suksesshëm këtë proces të rëndësishëm.

Vlen të theksohet se regjistrimi i Diasporës vazhdon deri më 30 shtator të këtij viti.

Kemi ende kohë për regjistrim, por kemi ende edhe shum persona për t’u regjistruar.

Andaj mos pritni ditët e fundit, por REGJISTROHUNI që tani! Përmbushni një obligim tuajin sa më herët dhe jepni një kontribut të çmuar kombëtar e qytetar!”, ka shkruar Selami

Ndryshe regjistrimi mori hov të madh gjatë muajit mars, duke u regjistruar rreth 180 mijë persona, mirëpo pas akordit mes Zaev e Mickoski për t’u shtyrë, shqiptarët e diasporës disi ngelën të dëshpëruar dhe nuk shfaqën më tej interes për regjistrim.

Me këto shifra aktuale, në diasporë jetojnë përafërsisht 10% e popullatës së përgjithshme të Maqedonisë.