Kurti i kërkon Greqisë njohjen e Kosovës

Mësohet se kryeministri i Kosovës, Albin Kurti, ka kërkuar që Greqia t’u bashkohet vendeve që e kanë njohur Kosovën, në panelin e diskutimit me temë “Evropa Juglindore: Rritja e Bashkëpunimit dhe Solidariteti” në Greqi, transmeton albinfo.ch.

“Njohja e shtetit tonë, bashkëpunimi në rajon dhe përfshirja sa më e shpejtë e rajonit në Bashkimin Evropian, është rruga e duhur drejt paqes, stabilitetit dhe sigurisë afatgjate”, tha Kurti.

Po ashtu, Kurti foli edhe për menaxhimin e pandemisë gjatë dy qeverive të udhëhequra nga ai, reformat në drejtësi, bashkëpunimin rajonal dhe integrimin ekonomik të Ballkanit Perëndimor.

“Kultura e re që kemi sjellë me qeverisjen e mirë, ku korrupsioni nuk do të tolerohet, tashmë po aplikohet në praktikë. Ne duam të vazhdojmë me procesin e vettingut, që do ta bëjë më aktive prokurorinë tonë dhe më efikase gjyqësinë tonë”, teksa ka përmendur propozimin për SEFTA-n.