40 mijë pjesëmarrës në festivalin e madh muzikor “Exit” në Serbi

Foto ilustrim: Anthony DELANOIX

Festivali i parë i madh muzikor në Evropë që nga nisja e pandemisë, “Exit Festival”, u organizua në Novi Sad të Serbisë.

Sipas organizatorëve, nga e enjtja në të dielën më shumë se 40 mijë pjesëmarrës kanë shijuar atmosferën.

“Ajo çfarë ne bëmë është se u kërkuam pjesëmarrësve që të na paraqesin një lloj dokumentacioni, ku dëshmohet se janë vaksinuar ose janë shëruar nga COVID, e nëse nuk kanë bërë një test, ne ofruam teste falas për blerësit e biletave”, tha Sanjin Dukiç, drejtor i marrëdhënieve me publikun në “Exit Festival”.

Pjesëmarrësit janë të bindur dhe të etur të festojnë pa u shqetësuar për atë çka mund të vijë më pas.

Serbia kohët e fundit regjistroi mesatarisht 100 infektime të reja në ditë.