Shqipëria

31 raste të reja me COVID në Shqipëri

E martë, 27 Korrik 2021 - 18:00 albinfo.ch

Rastet e reja me COVID në Shqipëri kanë pësuar sërish rritje në 24 orët e fundit. Nga 3.628 testime, kanë rezultuar pozitivë 31 persona.

Aktualisht janë 269 pacientë aktivë me COVID19 në gjithë vendin. Në Spitalin Infektiv po marrin trajtim spitalor të specializuar 13 pacientë. Në 24 orët e fundit nuk ka asnjë humbje jete me Sars-Cov2 pozitiv. Janë shëruar 14 qytetarë gjatë 24 orëve të fundit, duke e çuar numrin e të shëruarve në 130,166 që nga fillimi i epidemisë.

Nisur nga konfirmimi i rasteve të parë me variantin Delta, i cili përhapet më shpejt, MSH u bën thirrje qytetarëve të vaksinohen për të bërë të mundur frenimin e tij.