Atletja shqiptare, Luiza Gega, garon sot në finalen e madhe

Atletja kuqezi do të zbresë në pistën e stadiumit të Tokios

Luiza Gega, atletja kuqezi, do të zbresë në pistën e stadiumit të Tokios për finalen e madhe në garën e 3000 metrave me pengesa, teksa starti do të mbahet në orën 13:00, sipas orës së Shqipërisë, transmeton albinfo.ch.

Për herë të parë një atlete nga Shqipëria do të marrë pjesë në finalen e Lojërave Olimpike.

Luiza Gega arriti të siguronte një vend mes 15 atleteve më të mira të botës, falë një paraqitjeje të shkëlqyer të bërë në kualifikuese. 32-vjeçarja regjistroi kohën 9.23.85, duke u pozicionuar e pesta në baterinë 2 dhe e 11-ta në renditjen e përgjithshme, në një garë ku konkurruan 41 atlete.

---