Zvicra, partnere afatgjatë e Dokufestit

“Dokufest” gjallëron Prizrenin

Zvicra është krenare që është partnere afatgjatë e Dokufestit në promovimin e shprehjes artistike si instrument i fuqishëm për t ‘ u marrë me të kaluarën, transmeton albinfo.ch.

Në DokuTalk-in e djeshëm me temën ‘Si e ardhmja jonë u jep formë artistëve, filmave’, përfaqësues të medias nga rajoni diskutuan se si arti mund të kontribuojë në përpjekjet e pajtimit dhe në kulturën e tolerancës.

Thuhet se këtë herë festivali do të jetë pjesërisht online dhe i hapur për publikun në kinema. Mbi 230 filma do të transmetohen në këtë festival. Drejtori artistik i festivalit, Veton Nurkollari, thotë se për filmat konkurrues do të ndahen tetë çmime, por do të ketë edhe një çmim nga publiku. Ai thotë se pandemia ka kufizuar, por nuk ka rrezikuar organizimin e festivalit. Nurkollari thotë se kanë ardhur qindra vizitorë dhe e kanë konfirmuar ardhjen shumë artistë e artdashës të tjerë. Festivali DokuFest, këtë vit shënon edicionin e 20-të jubilar. /Albinfo.ch

---