Shqipëri: Shtimi i rojave bregdetare ka ulur numrin e humbjeve të jetës

Prej vitit 2017, rreth 110 qytetarë shqiptarë dhe të huaj kanë humbur jetën si pasojë e mbytjeve në plazhet e vendit

Ndonëse ende larg kapaciteteve të nevojshme, rritja e numrit të rojave bregdetare në plazhet e vendit ka reduktuar ndjeshëm rastet e humbjeve të jetës si pasojë e mbytjes.

Për sekretarin e Federatës Shqiptare “Vrojtuesit e Plazhit dhe Shpëtimit në Ujë”, Gent Lasku, problem mbeten plazhet publike për shkak të mungesës së rojave bregdetare, transmeton A2, përcjell Albinfo.ch.

Prej vitit 2017, rreth 110 qytetarë shqiptarë dhe të huaj kanë humbur jetën si pasojë e mbytjeve në plazhet e vendit.

Teksa sezoni turistik veror ende nuk është mbyllur, numri i fataliteteve është reduktuar ndjeshëm duke u ulur në rreth pesëmbëdhjetë këtë vit.

 

---