Certifikata Covid, kusht për pjesëmarrje në festivalin më të madh shqiptar në Cyrih

Me mbi 20,000 vizitorë, alba Festival është festivali më i madh nën qiell të hapur, me yje ndërkombëtarë nga Hip-hopi i Kosovës dhe Shqipërisë

Me 4 dhe 5 shtator, do të zhvillohet për herë të dytë “Alba Fetival“, i cili do të sjellë në stadiumin Hardturm në Cyrih, disa nga yjet më të mëdhenj të skenës muzikore të Kosovës dhe Shqipërisë, kështu bënë të ditur organizatorët javë më parë për albinfo.ch.

Me mbi 20,000 vizitorë, alba Festival është festivali më i madh nën qiell të hapur, me yje ndërkombëtarë nga Hip-hopi i Kosovës dhe Shqipërisë, nga R’n’B dhe skena e muzikës pop në Zvicër dhe Evropë.

Por ajo që tani kanë bërë të ditur nga “Alba Festival” është se për pjesëmarrje në këtë festival nevojitet një Certifikatë Covid e vlefshme.

Që një Certifikatë Covidi të jetë e vlefshme, duhet të përmbushet njëri nga kushtet si: të jesh i/e vaksinuar, i/e shëruar apo i/e testuar.

Mënyra e tërheqjes së Certifikatës së Covidit mund të variojë nga Kantoni, për këtë arsye organizatorët sugjerojnë që të interesuarit për pjesëmarrje të informohen me kohë në këtë link https://bag-coronavirus.ch nën rubrikën Zertifikate.

Për më shumë detaje lexojeni njoftimin e ‘Alba Festival’ në:

“Alba Festival” e konsideron veten si një festival përbashkues gëzimi dhe shoqërimi,  në ambient të hapur, transmeton albinfo.ch. Ai synon që përmes muzikës dhe kulinarisë të sensibilizojë të gjithë me  gjithë bukurinë dhe diversitetin e kulturës së Shqipërisë dhe Kosovës.

 

---