Integrimi

Swissalbs, balloja e ndërmarrësve zviceranë-shqiptarë mbahet më 6 nëntor 2021

E enjte, 2 Shtator 2021 - 8:30 albinfo.ch

Foto: Armend Berisha

Më 6 nëntor të këtij viti shoqata “swissalbs” ndan përfundimisht për herë të parë një çmim për ndërmarrësit zviceranë-shqiptarë, pasi ky event ishte shtyrë disa herë për shkak të pandemisë. Kështu njofton shoqata “swissalbs”, e cila qëndron mbrapa kësaj balloje.

Por, ajo që tani ka bërë të ditur nga “swisslabs” është se për pjesëmarrje në këtë ballo të ndërrmarrësve zviceranë-shqiptarë nevojitet një Certifikatë Covid e vlefshme.

Që një Certifikatë Covidi të jetë e vlefshme, duhet të përmbushet njëri nga kushtet si: të jesh i/e vaksinuar, i/e shëruar apo i/e testuar.

Mënyra e tërheqjes së Certifikatës së Covidit mund të variojë nga Kantoni, për këtë arsye organizatorët sugjerojnë që të interesuarit për pjesëmarrje të informohen me kohë në këtë link https://bag-coronavirus.ch nën rubrikën Zertifikate.

Balloja e ndërmarrësve ishte paraparë të mbahet në mars të vitit 2020. Ky aktivitet ishte anuluar për shkak të pandemisë.