Si po investohen paratë e pista në Shqipëri?

Ndërtimi është sektori kryesor ku po investohen paratë e pista të grupeve kriminale në Shqipëri.

Deklarata është bërë për dokumentarin Unpublished në Euronews Albania, nga drejtori i krimit ekonomik në Policinë e Shtetit, Lutfi Minxhozi.

Industria e ndërtimit është fusha që kanë zgjedhur grupet kriminale në Shqipëri për të pastruar paratë e veprimtarive të jashtëligjshme.

Përfaqësuesit e Bankës së Shqipërisë pohojnë për “Unpublished” se vendi ynë paraqet rrezik të shtuar sa i takon pastrimit të parave. Shqipëria klasifikohet në listën gri për pastrimin e parave.

Sipas të dhënave zyrtare nga Drejtoria e Krimit Ekonomik në Policinë e Shtetit, nga viti 2013 deri në vitin 2020 janë sekuestruar rreth 320 milionë euro fitime nga veprimtaritë e paligjshme.