Ambasada e Gjermanisë në Shqipëri jep detaje për vizitën e kancelares Merkel në Shqipëri

Keystone

Ambasada e Gjermanisë në Shqipëri ka dhënë detaje për vizitën e kancelares Angela Merkel në Shqipëri, transmeton albinfo.ch.

Sipas ambasadës ajo do të vizitojë Shqipërinë të martën, më 14 shtator.

“Në Tiranë ajo do takohet fillimisht për një bisedë me kryeministrin Edi Rama. Të planifikuara janë biseda që lidhen me çështjet e politikës ekonomike dhe marrëdhëniet dypalëshe midis Shqipërisë dhe Gjermanisë, por edhe çështje që lidhen me përafrimin me BE-në. Në bisedimet e mëpasme me krerët e qeverive të gjashtë shteteve të Ballkanit Perëndimor, në plan të parë do të jenë çështjet e bashkëpunimit rajonal. Gjithashtu janë planifikuar bisedime dypalëshe me krerët e qeverive të Kosovës, Bosnje dhe Hercegovinës, Malit të Zi dhe Maqedonisë së Veriut”, thuhet në njoftim.