Stërnipërit e Nexhmie Pagarushës po vazhdojnë rrugëtimin muzikor në Zvicër

Tradita muzikore e tyre po vazhdon me një dimension tjetër.

Duke qenë se muzika është arti i shprehjes së ndjenjave dhe mendimeve me anë të tingujve, kush më mirë e ka bërë se sa këngëtarja e shquar shqiptare, Nexhmije Pagarusha. Ajo edhe pas vdekjes la një krijmtari të pasur muzikore, si diva shqiptare e papersëritur ndonjëherë, shkruan albinfo.ch.

Muzika është një trashëgimi, që përcillet në gjenerata, andaj duket se stërnipët e Nexhmie Pagarushës po vazhdojnë rrugëtimin muzikor në Zvicër, me një tjetër dimension të artit të muzikës.

Dy stërnipët e Nexhmijes quhen, Leonid dhe Dorian Pagarusha, nga Prishtina, të lindur dhe të rritur në Zvicër, shkruan albinfo.ch.

Ata me shokët e tyre kanë krijuar “Lable” e tyre “BE REICH Production” dhe grupin muzikor, “THE GLENZ” të rrymës “Hip Hop” dhe “Rap”.

Pavarësisht se janë në fillimet e dubutimit të tyre, ata janë duke punuar fort për të depërtuar në tregun botëror dhe pritet të jenë një emër suksesi në fushën e muzikës.

Vlen të theksohet se djelmoshat kanë kriju një bagazh të madh të produksioneve të tyre, por ende nuk i kanë publikuar.

Albinfo.ch mëson se në muajt e ardhshëm pritet konfirmimi i një bashkëpunimi me artistë të repit dhe hip-hopit me renome të Gjermanisë.

Gjithashtu ata janë në kërkim të artistëve te rinj, si këngëtar, reperë, muzikantë, për “Label” e tyre, shkruan tutje albinfo.ch.

Duhet cekur se grupi “The Glenz”, përbëhet nga Leonid Pagarusha, Dorian Pagarusha, Adnit Kastrati dhe Yusup Atashev. Leonidi është 14 vjeçar dhe producenti i këti grupi. Ndërsa, Doriani është 16 vjeçar dhe është duke e kryer shkollën për udhëheqje administrative dhe e drejton ketë Grup dhe gjithë “label” e tyre, mirëpo zëri i tij, do të dëgjohet edhe në grupin “The Glenz”.

Nga ana tjetër, Adniti është përgjegjës për mirëmbajtjen teknike në studio dhe Yusup është raper dhe këngëtar.

Thuhet se këta djelmosha janë shokë që nga parashkollimi dhe vazhdojnë shoqërinë e tyrë për vite. /Albinfo.ch

 

---