Ngadalësimi i vaksinimit në Zvicër, kush është fajtor

EPA/ETIENNE LAURENT

Shumë në Zvicër janë ankuar se qeveria është e ngadaltë për të miratuar dozën e tretë të vaksinës Covid-19, duke vënë në dukje se një numër vendesh të tjera tashmë kanë filluar të administrojnë vaksina përforcuese.

Agjencia e autorizimit të barnave të vendit, Swissmedic, mendohet se po ngec në miratimin e dozave të treta, shkruajnë mediat zvicerane, përcjell albinfo.ch.

Megjithatë, “Swissmedic është çdo gjë tjetër veçse i ngadalshëm”, sipas drejtorit të agjencisë Raimund Bruhin, i cili shpjegoi në një intervistë se vetë prodhuesit e vaksinave vendosin se kur t’i dorëzojnë aplikacionet e tyre për miratim.

Agjencia Evropiane e Barnave (EMA) mori kërkesat për autorizim më herët se Swissmedic, e cila mori aplikime nga Pfizer dhe Moderna vetëm në mes të shtatorit.

“Aktualisht, vlerësimi është avancuar mirë”, tha Bruhin, duke shtuar se Zvicra duhet të kryejë procesin e saj të autorizimit në vend që “ta lërë atë në gjykimin e autoriteteve të huaja miratuese”. Javën e kaluar, autoritetet zvicerane kanë treguar se vaksinat përforcuese mund të jenë gati në fund të tetorit.