31 % më pak emigrantë në vitin 2020 për shkak të pandemisë

Kjo është rënia më e madhe që nga fundi i Luftërave Ballkanike në vitet 1990. Në Zvicër rënia është më e vogël se në vendet tjera të OECD

Imigrimi në vendet e OECD ka rënë për rreth një të tretën në vitin 2020 për shkak të pandemisë së koronës. Me rreth vetëm 3.7 milionë njerëz të ardhur në këto shtete, migrimi i përhershëm ishte në nivelin më të ulët që nga viti 2003, shkruan srf.ch.

Megjithatë, në Zvicër, rënia ishte më e ulët se kudo tjetër.

Kështu, në Zvicër, për shembull, numri i kërkesave të reja për azil ka rënë për 22.5 për qind në krahasim me vetëm një vit më parë, transmeton albinfo.ch. Ndërsa rënia në vendet e Organizatës për Bashkëpunim dhe Zhvillim Ekonomik (OECD) ishte 31 për qind, sipas njoftimit të lëshuar nga OECD.

Kjo është rënia më e madhe që nga fundi i Luftërave Ballkanike në vitet 1990.

Fakti që ulja e shkallës së migracionit në Zvicër është më i ulët se në vendet e tjera të OECD-së, ka të bëjë me lëvizjen e lirë të njerëzve, kontingjent ky që përbën një pjesë të madhe të migracionit zviceran, shpjegon eksperti i migracionit në kuadër të OECD-së, Thomas Liebig në prezantimin e studimit më të ri për migracionin.

Si rezultat, në Zvicër, kufizimet e shkaktuara nga Corona, kanë pasur një ndikim më të vogël.

---