Shaqiri dhe Zeqiri ftohen te Zvicra

Zvicra do të përballet me Bullgarinë dhe Italinë në muajin nëntor

Zvicra do të zhvillojë dy ndeshje shumë të rëndëishme në muajin nëntor, në kualifikimet për Kampionatin Botëror 2022.

Zvicra momentalisht ndodhet në pozitën e dytë në Grupin C me 14 pikë, aq sa ka Italia në vendin e parë. Italia do të jetë kundërshtari i radhës më 12 nëntor, para se të luajnë me Bullgarinë më 15 nëntor, përcjell albinfo.ch.

Trajneri, Muray Yakin, ka bërë të ditur listën e futbollistëve të ftuar për këto dy takime. Në listë bënë pjesë edhe Xherdan Shaqiri dhe Andi Zeqiri nga futbollistët shqiptarë, kurse Granit Xhaka mungon shkaku i lëndimit.

U21

Në listën e publikuar të premten nga përzgjedhësi i Zvicrës U21, Mauro Lustrinelli, të ftuar janë edhe portieri i Luganos, Amir Shaipi, mesfushori i Servettes, Kastriot Imeri dhe i Zurichut, Bledian Krasniqi.

Në muajin nëntor, Zvicra U21 do të luajë kundër Moldavisë më 12 nëntor, ndërsa më 16 nëntor udhëton te Uellsi.

Sfidat zhvillohen në kuadër të kualifikimeve për Kampionatin Evropian të vitit 2023. Shpresat kanë dhjetë pikë në katër ndeshje.

 

---