Turizmi dhe remitencat ndikim në rritjen e kursimeve në banka në Shqipëri

Banka e Shqipërisë bën të ditur se, norma vjetore e rritjes të tyre shënoi 10.3 %, krahasuar me 8.3 % një tremujor më parë. Kjo rritje ka reflektuar më së shumti zgjerimin prej 13.2 % të ritmeve të rritjes së depozitave në valutë, të cilat shënuan një nga normat më të larta të rritjes së viteve të fundit, transmeton Atsh, përcjell Albinfo.ch.

Sipas BSH-së, përshpejtimi i ritmeve të rritjes në këtë segment reflekton hyrjet e larta valutore në vend si pasojë e turizmit, remitancave dhe aktivitetit të bizneseve, si dhe ndërmjetësimin më të lartë të bankave në valutë.

Ndërsa ritmet e rritjes së depozitave kanë reflektuar më së shumti rritjen me 27.5 % të depozitave të bizneseve.

Kjo ecuri reflekton rimëkëmbjen e shpejtë ekonomike, formalizimin e ekonomisë, si dhe flukse më të larta hyrëse të lidhura me aktivitetet e sektorit publik – si në formën e rimbursimeve më të larta të TVSH-së, ashtu edhe në formën e shpenzimeve të lidhura me Fondin e Rindërtimit.

Për pasojë, pjesa më e madhe e këtyre depozitave ka marrë formën e depozitave rrjedhëse pa afat, e cila vijon të dominojë rritjen e depozitave dhe strukturën e tyre.