Japonia me “zyra pune në tren”

Në një përpjekje për të përmbushur kërkesën në rritje për stile të reja pune në mes të pandemisë, të hënën East Japan Railway Co. lansoi “makinat zyre” për disa linja treni që lidhin Tokion me rajonet veriore dhe qendrore të vendit.

Pa pagesë shtesë dhe vetëm gjatë ditëve të javës, pasagjerët në makinat nr. 8 të linjave Tohoku, Joetsu dhe Hokuriku tani mund të flasin në telefon dhe të marrin pjesë në takimet online nga ulëset e tyre – aktivitete që dekurajohen në pjesën tjetër të trenit, përcjell Telegrafi.

“Ne duam të mbështesim një mënyrë të re pune që nuk është e kufizuar nga koha dhe vendi”, tha një zyrtar nga operatori hekurudhor i njohur si JR East, i cili më në fund filloi shërbimin seriozisht pas testeve të suksesshme.

Një anëtare e stafit të JR East u tregoi mediave se si punon nga distanca, duke përdorur kufje që anulojnë zhurmën.

Pasagjerët do të jenë gjithashtu në gjendje të huazojnë “syze inteligjente” të cilat projektojnë përmbajtjen e ekraneve të laptopëve të tyre në lente të specializuara të vendosura në fytyrë.

JR East shpreson se shërbimi i ri do të ndihmojë në inkurajimin e udhëtimeve “pune” – ku njerëzit kombinojnë punën në internet me udhëtimin – duke stimuluar gjithashtu kërkesën për udhëtime pune, të cilat u ulën në mënyrë dramatike gjatë pandemisë së shkaktuar nga COVID-19.