Vaksina kundër Covid do të kishte parandaluar 2600 vdekje në Zvicër

Zyra rajonale e Organizatës Botërore të Shëndetësisë (OBSH) ka publikuar një studim që vlerëson numrin e jetëve të shpëtuara nga vaksinimi kundër koronavirusit në vende të ndryshme evropiane.

Në Zvicër, ky numër, për periudhën nga dhjetori 2020 e deri më tani, është 2643, 211 te moshat 60-69 vjeç, 495 te personat 70-79 vjeç dhe 1937 te të moshuarit 80 vjeç e lart, shkruajnë mediat zvicerane, përcjell albinfo.ch.

“Ajo që tregon ky studim është se vaksinat bëjnë atë që premtojnë, që është të shpëtojnë jetë, duke ofruar mbrojtje shumë të lartë kundër formave të rënda dhe vdekjes”, tha Hans Kluge, Drejtor Rajonal i OBSH-së për Evropën.