Kosova

Kosovë: Një i vdekur dhe tetë raste të reja me COVID-19

E martë, 30 Nëntor 2021 - 15:45 albinfo.ch

 Në Kosovë është regjistruar një viktimë dhe tetë raste të reja me koronavirus.

Rastet e reja dolën pas testimit të 1,098 mostrave, që i bie se 0.72 për qind e të testuarve kanë dalë pozitivë me sëmundjen COVID-19.

Sipas njoftimit, në 24 orët paraprake janë shëruar edhe nëntë persona, ndërkaq raste aktive me COVID-19 janë 320.

Ndërkaq, sa i përket vaksinimit kundër koronavirusit, autoritetet shëndetësore në 24 orët paraprake kanë administruar 607 doza të vaksinës.

Që prej fundit të marsit, kur në Kosovë nisi fushata e imunizimit, e deri më 30 nëntor, në Kosovë janë administruar 1,615,360 doza. Me dy doza të vaksinës janë vaksinuar 761,595 persona dhe me një dozë, 853,765.

 

 Të ngjashme

Si rekrutohet stafi infermieror nga Kosova, në Bavari

 Të tjera nga Kosova

Kurti ia rikujton von der Leyenit: Kosova pret prej katër vitesh statusin e kandidatit për BE

 E-Diaspora

 Jeta në Gjermani