“Omicron” ka qenë i pranishëm në Zvicër për më shumë se dy dekada

e-plus.at

Jo, jo varianti Covid, por një kompani IT e Cyrihut e quajtur “Omicron”, ka qenë për më shumë se dy dekada në Zvicër, përcjell albinfo.ch.

Firma merret me viruse kompjuterike, kompani kjo e specializuar në sigurinë dhe mbron klientët e saj nga malware.

Kur Thomas Stutz krijoi kompaninë 26 vjet më parë, ai nuk mund ta dinte se ky emër një ditë do të përcaktonte një mutacion virusi në mes të një pandemie globale.

Por ai nuk mund të injoronte as rastësinë e frikshme: një fotografi e një shishe Covid në faqen kryesore të firmës mbart frazën: “Ne nuk mund t’ju mbrojmë nga të gjitha viruset!” Nga ana tjetër, ne kemi luftuar efektivisht që nga viti 1995 kundër viruseve kompjuterike”, tha ai për mediat zvicerane. /Albinfo.ch