Fshati Bishtazhin merr pamje mahnitëse për festat e fundvitit

Bishtazhini, gati për festat e fundvitit

Fshati Bishtazhin i komunës së Gjakovës këto ditë ka marrë pamje magjepsëse. Në prag të festës së Krishtlindjes ka marrë një pamje shumë tërheqëse që josh të gjitha moshat ta vizitojnë dhe ta përjetojnë atmosferën e këndshme të krijuar aty, shkruan albinfo.ch.

Ashtu si çdo vit për festat e fundvitit, Krishtlindjet dhe Vitin e Ri, fshati Bishtazhin i Gjakovës është stolisur bukur për këto festa.

Fshati duket mahnitës, madje, po u jep leksion edhe vendeve të tjera të Kosovës, të cilat ende nuk kanë filluar dekorimet e fundvitit në shumë qytete.

Ky dekorim është realizuar nga banorët e fshatit, të cilët kanë thënë se për këtë punë janë angazhuar rreth një muaj. Ndërsa për t’u arritur kjo pamje të rinjtë janë ndihmuar financiarisht nga bashkëfshatarët nga diaspora. /Albinfo.ch

 

 

---