Kryeqyteti evropian që planifikon anulimin e koncertit të Vitit të Ri

Camille Couvez Avatar of user Camille Couvez Camille Couvez @camille_couvez @camille_couvez

Kryebashkiaku i Romës, Roberto Gualtieri, deklaroi sot se do të hartohen planet për ngjarjet publike në natën e Vitit të Ri, ndërkohë që Bashkia do t’i japë përparësi mbrojtjes së shëndetit të qytetarëve.

“Koncerti i Vitit të Ri? Do të zyrtarizojmë publikisht një vendim orët e ardhshme, por plani është që të merret shumë seriozisht kërkesa e qeverisë për monitorimin e situatës”, tha Gualtieri, transmeton Ansa, përcjell Albinfo.ch.

“Prandaj ka shumë të ngjarë që të mos ketë ngjarje festive kolektive, pasi kjo do të krijonte turma. Në këtë fazë të pandemisë, një gjë e tillë do të ishte e pakujdesshme”, theksoi ai.

“Evolucioni i pandemisë është në sytë e të gjithëve dhe ne nuk duhet të lëmë vigjilencën tonë”, shtoi kryebashkiaku.

“Qeveria ka të drejtë në zgjatjen e gjendjes së jashtëzakonshme. Ne gjithashtu duhet të luajmë rolin tonë”, theksoi ai.