Rekord i ri në Britani të Madhe me rastet Covid-19

(KEYSTONE/AP Photo/Frank Augstein)

Një numër rekord i rasteve të përditshme të koronavirusit është raportuar në gjithë Mbretërinë e Bashkuar për të dytën ditë me radhë, gjegjësisht 88,376 njerëz të infektuar.

Shefi i kujdesit mjekësor të Anglisë, Prof. Chris Whitty, tha se varianti Omicron mund të rritet “jashtëzakonisht shpejt”, ndërsa u bë e ditur se kanë vdekur 146 njerëz.

Gjithashtu u arrit edhe një rekord i ri sa i përket numrit të dozave përforcuese, ku 745,183 persona morën dozën e tretë ose përforcuese.

Ndërkohë, Mbretëresha ka anuluar drekën tradicionale para Krishtlindjeve si masë paraprake mes rritjes së variantit Omicron.

Kujtojmë se ditën e djeshme u raportuan 78,610 raste me koroanvirus, ndërsa kujtojmë se të enjten e kaluar u regjistruan 50,867 raste.

Ndryshe, Britania e Masdhe deri më tani ka raportuar mbi 11 milionë me COVID19 dhe më shumë se 147 mijë të vdekur./BBC